يتساءل كثير من المرضى: هل الغضروف بيخف من نفسه؟ والإجابة تعتمد على درجة الإصابة ومكانها، لكن في كثير من الحالات، يمكن أن تتحسن أعراض الانزلاق الغضروفي تدريجيًا بدون تدخل جراحي.
الانزلاق الغضروفي بيحصل لما جزء من نسيج الغضروف اللي بين الفقرات يخرج من مكانه ويضغط على الأعصاب. ده ممكن يسبب ألم في الظهر أو الرقبة، وتنميل في الأطراف، أو ضعف عضلي حسب المكان المصاب.
لكن الجسم له قدرة طبيعية على التعامل مع الغضروف المنزلق. مع الوقت، ممكن الجسم يمتص جزء من الغضروف الضاغط على العصب، وده بيقلل من الأعراض بشكل واضح. دا السبب اللي بيخلي بعض المرضى يتحسنوا مع الراحة والعلاج الطبيعي فقط.
في الحالات الخفيفة والمتوسطة، بننصح غالبًا بـ:
- الراحة النسبية وتجنب الحركات المفاجئة
- جلسات علاج طبيعي لتقوية عضلات الظهر
- أدوية مضادة للالتهاب ومسكنات
أما الحالات الشديدة، اللي فيها ضعف عضلي أو ألم لا يحتمل، فقد تحتاج إلى تدخل جراحي أو إجراءات زي التردد الحراري أو الحقن.
الخلاصة:
في حالات كتير، أعراض الغضروف ممكن تتحسن مع الوقت، لكن المتابعة مع طبيب مختص ضرورية لتحديد درجة الإصابة واختيار أنسب خطة علاج. ومفيش بديل عن التشخيص الدقيق علشان تعرف إذا كان الغضروف فعلاً هيخف من نفسه ولا محتاج تدخل طبي.
