كثير من الناس بيسمعوا صوت “طقطقة” أو “فرقعة” في الظهر أو الرقبة بشكل متكرر، وده بيسبب قلق وتساؤل: هل طقطقة الفقرات المستمرة علامة على مشكلة خطيرة؟
في الحقيقة، صوت الطقطقة غالبًا بيكون طبيعي، وسببه تحرر فقاعات غازية صغيرة داخل السائل المفصلي عند تحريك المفاصل أو الفقرات، وده بيحصل بشكل عادي في الركبة أو الأصابع أو الظهر.
لكن أحيانًا، الطقطقة المستمرة أو المصحوبة بألم ممكن تشير إلى أسباب مرضية، منها:
أبرز أسباب طقطقة الفقرات المستمرة:
- ضعف أو شد في العضلات
ضعف عضلات الظهر أو الرقبة بيؤدي لحركة غير متوازنة للفقرات، وده ممكن يسبب أصوات متكررة. - خشونة المفاصل بين الفقرات
مع التقدم في السن أو في حالات الخشونة، ممكن يحصل احتكاك غير طبيعي بين المفاصل الصغيرة للعمود الفقري. - الانزلاق الغضروفي أو التزحزح الفقاري
وجود مشاكل في الفقرات أو الأقراص الغضروفية ممكن يسبب عدم استقرار في الحركة وصوت طقطقة متكرر. - قلة الحركة أو الجلوس لفترات طويلة
الجلوس لفترات طويلة يضعف العضلات ويسبب تيبس في المفاصل، وبالتالي تسمعي صوت الطقطقة لما تبدأي تتحركي. - العادة العصبية أو الضغط المتكرر
بعض الأشخاص بيعملوا حركات متكررة للرقبة أو الظهر كعادة، وده بيزود الطقطقة.
متى تستدعي الطقطقة زيارة الطبيب؟
لو الطقطقة مصحوبة بـ:
- ألم مستمر
- تنميل أو وخز في الأطراف
- ضعف في الحركة
فلازم مراجعة دكتور عظام أو عمود فقري متخصص لتقييم الحالة.
الخلاصة:
الطقطقة المستمرة للفقرات غالبًا غير مقلقة، لكن لو صاحبها أعراض تانية، يبقى من الأفضل استشارة طبيب لتحديد السبب الحقيقي ووضع خطة العلاج.
